23rd IUHPE World Conference on Health Promotion, 7 - 11 April 2019, Rotorua, Aotearoa New Zealand

Patrick Mwesigye Sewa

Nō Ukānga a Patrick Mwesigye Sewa, ā, ko ia te Kaiwhakaū me te Kaiarataki Rōpū i te Uganda Youth and Adolescents Health Forum (UYAHF), he whakahaere mā te rangatahi mō te rangatahi, ka mutu he whakamana i ngā rangatahi wāhine me ngā taiohi wāhine kia whai kounga tō rātau ao me te whai mana, whai wāhitanga hoki kia eke ai tō rātau pūmanawa nohopuku.

He tino matatau a Patrick i roto i ngā mahi waihanga me te whakatinana kaupapahere me ngā kaupapa e aro ana ki te whakatairanga i te hauora me te oranga whai kounga mō ngā taiohi.

Mā te UYAHF, i ārahina e Patrick me te takawaenga i ngā kaupapa rerekē e ū ana ki te whakapiki i te urunga ki ngā ratonga me ngā mōhiohio mō te hauora hōkakatanga me te whakaputa uri me ngā motika mō ngā rangatahi, tae atu ki te āhei atu ki te ārai hapū me ngā ratonga mō te HIV me ngā manaaki hauora whaea me te tamaiti.

I mahi anō a Patrick i roto i ngā rōpū tautoko hapori i ngā wāhine me ngā rangatahi, karapu kura, me te kaiārahi hapori i roto i Ukānga hei whakawhanake pūkenga me te mōhio ki te ārai i te whakahīroki o ngā take ira tangata, me te taunaki i ngā motika wāhine, me te hāpai ki te whakakore i ngā tikanga kino pērā i te mārena tamariki, te tūkino taihemahema wāhine, me te hapūtanga taiohi.

E whakatinana anō te UYAHF i tētahi kaupapa tikanga akuaku me te whakahaere mate wahine e kīia ana ko "Ensonga", ko te tikanga o tēnei kupu i roto i tō rātau reo ko te 'mate wahine'. E arotahi ana ngā kaupapa ki ngā rangatahi kei roto me waho o te kura, ngā kaiako, mātua, kaiārahi hapori, hei patu i te whakamā e pā ana ki te mate wahine me te whakatairanga i te mana mō ngā wāhine me ngā kōtiro katoa.

He mema whakaū a Patrick nō te Adolescents and Youth Constituency mō te Partnership for Maternal Newborn and Child Health (PMNCH), ā, he mema poari rīwhi ia ki te pātuitanga hei māngai mō ngā taiohi me ngā rangatahi. Ko ia anō te Perehitini Tuarua o te Africa Youth and Adolescents Network on Population and Development (AfriYAN Āwherika ki te Rāwhiti me te Tonga), he kaitaunaki mō She Decides Global me te toa mō te Together for Girl’s Every Hour Matter Challenge mō te whakapiki urunga ki ngā ratonga manaaki wā whāiti i ngā pārurenga pāwhera, ā, ko ia tētahi Kairangahau Rangatahi mō te Swiss Center for International Health.

He maha ngā hui ā-rohe, ā-motu hoki i tae atu a Patrick hei kaikōrero, pērā i ngā taiopenga āpiti i te Whakaminenga Whānui a Te Kotahitanga o Ngā Whenua o Te Ao 71 i Niu Iaka i te tau 2016.

Kua mahi tahi a Patrick me te kāwanatanga o Ukānga ki te taunaki i te whakaurunga whaikiko o te rangatahi, ā, me te whakapiki i te whakaarotautanga tōrangapū me te haumi ki te hauora me te oranga taiohi. He mema ia nō te rōpū National Adolescent Health Technical Working Group i Ukānga, e whakahaerehia ana e te Ministry of Health, ā, he mema ia nō te Inter-Ministerial Committee for the East me te Southern African Commitments on Scaling Up Access to Comprehensive Sexuality Education Youth-Friendly Services. He mema ia nō te Youth Advisory Panel mō te United Nations Population Fund East and Southern African Region Office, ā, kei roto ia i te Uganda Civil Society Core Reference Group mō ngā United Nations Sustainable Development Goals.

He pūkenga a Patrick nō te Mothers and Newborns Leadership Workshop i whakahaerehia e te Maternal Health Task Force i te Harvard Chan School of Public Health, Barcelona Institute for Global Health, me te Aghakhan University of East Africa. He pūkenga anō ia nō te Clinton International Summer School on Peace Conflict Resolutions me te Entrepreneurship i Te Whare Wānanga o Ulster i Te Raki o Airangi. He Tohu Paetahi tōna mō te Whakahaere Taiao mai i Te Whare Wānanga o Makerere me tētahi Tohu Pōkairua Paerua mō te Whakahaere Taiao mai i te Galilee International Management Institute i Iharaira.

Patrick Mwesigye Sewa
IUHPE c/o The Conference Company