23rd IUHPE World Conference on Health Promotion, 7 - 11 April 2019, Rotorua, Aotearoa New Zealand

Trevor Hancock

He rata hauora tūmatanui me te mātanga whakatairanga hauora a Tākuta Trevor Hancock, ā, he Ahorangi me te Tohunga Matua i te School of Public Health and Social Policy i Te Whare Wānanga o Victoria. Ko ia tētahi o ngā kaiwhakaū o te kaupapa (ā-ao) Healthy Cities and Communities, ā, nāna i para te huarahi i roto i ngā āhuatanga o te 'kaupapahere iwi whānui hauora' i te tekau tau mai i 1980. I mahi ia hei kaitohutohu me te mātanga mō te Healthy Cities i ngā taumata katoa mai i te rohe ki tāwāhi i roto i ngā whenua maha, otirā i roto i ngā whenua Amerikana me Uropi, ā, hei kaikōrero puta noa i te ao.

Nāna i ārahi tētahi ohu o te Canadian Public Health Association i puta ai tētahi Pepa Matapakina matawhānui mō ngā pūtakenga toi potapotae hauora (Haratua 2015), ā, he kaiarotake ā-waho mō te Rockefeller Foundation/ Lancet Commission on Planetary Health. Ko te nuinga o āna mahi ināianei e aro ana ki ngā pānga hauora o te Anthropocene me te urupare paetata mā tētahi āhuatanga o te rohe 'Kotahi Ao'.

Ko ana kaingākau nui ko te whakatairanga hauora taupori, ngā tāonenui me ngā hapori ora, te hauora me te taiao, te kaupapahere tūmatanui hauora, te hononga i waenga i te hauora me te ao tūroa, ngā hōhipera ora me te 'kākāriki', te kaupapahere me te waihanga mahere hauora, me te anamata hauora. Ko ia tētahi o ngā kaiwhakaū o te Canadian Association of Physicians for the Environment me te Canadian Coalition for Green Health Care, ā, i te tekau tau mai i 1980 ko ia te kaiārahi tuatahi o te Rōpū Kākāriki i Kānata.

I tohua ia hei mema Pūmau Whakahōnore o te Canadian Public Health Association i te tau 1990, ā, i tohua ia hei Kaiētita Matua ki te Editorial Board o te Canadian Journal of Public Health i te tau 2014. I te tau 2015 i tohua ia hei Pūkenga Whakahōnore o te Faculty of Public Health i Piritana Nui mō ana māhi i roto i te hauora tūmatanui, ā, i tohua ia ki te Mētara Defries e te Canadian Public Health Association i te tau 2017.

Trevor Hancock
IUHPE c/o The Conference Company