23rd IUHPE World Conference on Health Promotion, 7 - 11 April 2019, Rotorua, Aotearoa New Zealand

Fran Baum

Ko Ahorangi Fran Baum te Ahorangi Kahurangi Matthew Flinders o te Hauora Tūmatanui me te Tumuaki Tuatahi o te Southgate Institute for Health, Society and Equity i Te Whare Wānanga o Flinders, Adelaide, Ahitereiria.

I tohua ia i roto i Ngā Tohu Hōnore 2016 o te Huritau o te Kuini hei Āpiha o te Kāhui (Order of Australia, AO) mō "ana whakapau kaha whakaharahara ki te mātauranga matua hei tohunga mātauranga me te kairangahau hauora tūmatanui, hei kaitaunaki kia pai ake te whai wāhi atu a te hapori ki te hauora tūmatanui, me ngā whakahaere ngaio”. 


Mai i te tau 2009 ki te 2014 i a ia te Australia Research Council Federation Fellowship. He Pūkenga ia nō te Academy of the Social Sciences i Ahitereiria, te Australian Academy of Health and Medical Sciences me te Australian Health Promotion Association.  Ko ia te Perehitini ā-Motu o mua me tētahi Mema Pūmau o te Public Health Association of Australia. He mema , he Tiamana tawhito nō te Global Steering Council o te People’s Health Movement – he kōtui ā-ao o ngā kaiwerowero hauora (www. phmovement.org). I noho anō ia hei Kōmihana ki te Commission on the Social Determinants of Health a te World Health Organisation mai i te tau 2005 ki te 2008.

Ko Fran Baum tētahi o nga kairangahau mātāmua i Ahitereiria mō ngā pūtakenga pāpori me te ōhanga o te hauora. Kua whiwhi takuhe ia mai te National Health & Medical Research Council me te Australia Research Council e whiriwhiri nei rātau i ngā āhuatanga rerekē whānui o ngā rerekētanga hauora me ngā pūtakenga pāpori o te hauora.  Kei roto i ēnei takuhe ko tētahi NHMRC Centre for Research Excellence on Policies for Health Equity, ā, ko ia tētahi o ngā Tumuaki takirua. E kōrero whānuitia ana tana pukapuka, The New Public Health (putanga 4, i whakaputaina i te Kohitātea 2016, Oxford University Press), ā, e whakamahia ana e ngā akoranga hauora tūmatanui maha.  

Fran Baum
IUHPE c/o The Conference Company