23rd IUHPE World Conference on Health Promotion, 7 - 11 April 2019, Rotorua, Aotearoa New Zealand

Mā Wai te Hui Nei?

Ko ngā huihuinga ā-ao o te International Union for Health Promotion and Education (IUHPE) he takunetanga whakaharahara e whakatōpū ana i ngā mātanga nō ngā hau e whā huri noa i te ao ki te wānanga, ki te whakawhitiwhiti whakaaro e pā ana ki te mātauranga me ngā wheako o tēnei wā tonu, ki te matapaki i ngā wero hauora kei mua tonu i te aroaro.

I ia toru tau ko tā te Hui o IUHPE, he tautuhi i ngā mahi hāpai i te hauora, i te rangahau me te ariā nui “kei te tihi o te maunga”. Mō ngā tau 30 kua hipa ake, i runga i ngā akoranga o te Ottawa Charter, kua hangaia e te kaupapa hāpai hauora tētahi mātauranga hōhonu, whai pānga, me ētahi rautaki pai ki te whakaea i ngā āhuatanga hauora huhua.

Kei te rere te karanga o te Hui ā-Ao 23 o IUHPE mō te Hāpai Hauora ki te kāhui whakapiki hauora (kairangahau, tākuta, kaiwhakahaere hoki) me ō rātou hoa rangatira kia tae ā-tinana mai ki Rotorua ki reira kai ai i te hakari take hauora o te ao, tūhura ai i ngā huarahi hei whai mā te hāpai hauora kia pai ake ai te oranga o te tangata, kia memeha haere ai ngā āhuatanga hauora kore ōrite.