23rd IUHPE World Conference on Health Promotion, 7 - 11 April 2019, Rotorua, Aotearoa New Zealand
E tonoa ana koe e te Komiti Pūtaiao ā-Ao ki te tuku mai i tētahi whakarāpopotonga hei whakaaturanga i te Hui ā-Ao 23 a IUHPE mō te Hāpai Hauora ka tū ki Rotorua, Aotearoa mai i te 7 ki te 11 o Paengawhāwhā 2019.

E whakatītinahia ana ngā kaituku whakarāpopotonga, tae atu ki ngā kaituku takitahi, ki te pāhekoheko me te mahi tahi me ētahi atu kaikōrero, kaiwhakauru hoki ina taea ana. He nui ake te mana o te whai wāhi mai, te mahi tahi me ngā whakaritenga wāhanga kōkau i roto i te tukanga whiriwhiri.

Ngā Rā Hira

• Ka Tuwhera ki Ngā Tono mō Ngā Whakarāpopotonga: 26 Poutūterangi 2018
• Rā Kati mō te Tuku Whakarāpopotonga: 31 Hereturikōkā 2018  
• Ko te takiwā ka whakaaehia te whakarāpopotonga: 22 Whiringa-ā-nuku 2018

Mēnā he pātai āu me whakapā mai ki iuhpe@tcc.co.nz, +64 9 360 1240 rānei


Ngā Takotoranga Tono

Ka taea ngā whakarāpopotonga te tuku mai mā ngā takotoranga rerekē e waru: 1) kurutetenga huatau, 2) awheawhe, 3) whakaaturanga rangahau ā-waha/pānuitanga 4) whakaaturanga auahatanga kaupapahere ā-waha/pānuitanga 5) rūnanga, 6) Whakaaturanga kē/hangarau hou 7) whakaaturanga/toi rerekē, me te 8) tina i te taha o tētahi kaituhi.

Mō ētahi atu kōrero mō ia takotoranga, me pāwhiri i konei 


Ngā Kaupapa Whakarāpopotonga

Ko tā mātau whakahau kia ōrite ngā tono ki ngā kaupapa-āpiti o te Hui. Ka taea ngā whakarāpopotonga te tuku i raro i tētahi o Ngā Kaupapa o te Hui e whā:

Ōritetanga hauora
Te whakarite i te ōritetanga hauora puta noa i te ora, i roto me waenga i ngā whenua, e whakarite ana ko ia mema o te rōpū ā-ao he ākonga pūmau whaikaha

Ngā wāhi noho urutomo
Te whakarite i ngā wāhi noho tāone me ētahi atu wāhi noho kia urutomo, haumaru, pakari, ukauka me te hāngai ki te hauora me te oranga

Ngā rautaki urutaunga ki te huringa āhuarangi
Te waihanga me te whakatinana i ngā rautaki urutaunga huringa āhuarangi whaitake, tika hoki

Te waihanga poari whakahaere whaitake, tōkeke, urutomo hoki
Te waihanga poari whakahaere whaitake, tōkeke, urutomo hoki i ngā taumata katoa e hāpai ana i te rongomau, te tika me te whakaute i ngā motika tangata


Ngā Aratohu Whakarāpopotonga

Me mōhio koe me mātua tuku mai ngā whakarāpopotonga katoa e ai ki ngā aratohu i raro:


• Ka kati ngā tono whakarāpopotonga hei te 31 o Hereturikōkā 2018.
• Me mātua tuku atu ngā whakarāpopotonga katoa mā tēnei puka tuihono.
• Ka taea ngā whakarāpopotonga te tuku mai i roto i te reo Ingarihi, Wīwī, Pāniora, Māori hoki (Me mātua tuku te tono i roto i te reo ka tukuna i te Hui)
• I te tukutanga o te tono ka taea e koe tētahi takotoranga tono KOTAHI te tīpako me te kaupapa KOTAHI mō ia whakarāpopotonga
• Ka taea e ngā kaituhi te tuku whakarāpopotonga maha, engari me tuku whakarāpopotonga mō te takotoranga kotahi anake me te kaupapa kotahi
• Me patopato ngā whakarāpopotonga ki te tātauira Word. Tiakina tēnei ki tō rorohiko ka tukuatu ki te puka tono tuihono. E wātea ana ngā tātauira i raro.
• KAUA rawa e tuhi i waho o ngā pouaka, e huri rānei i te takotoranga o te tātauira ahakoa pēhea.
• Kaua rawa te whakarāpopotonga e hipa atu i te tepenga 2500 pūāhua. Ka whakahokia atu ngā whakarāpopotonga ka hipa i te tepenga 2500 pūāhua. E hāngai ana te tepenga pūāhua ki ngā kuputuhi anake (kaua ngā mokowā) o te whakarāpopotonga, ā, kāore te taitara e uru ki tēnei.
• Mō ngā tono Hui Kōrero he 2500 te tepenga pūāhua mō te tono katoa, ā, he 2500 mō ia whakaaturanga takitahi i roto i te Hui Kōrero
• Kaua rawa ngā tono whakarāpopotonga e whai tūtohi, tatau rānei
• Me patopato ki te momotuhi Arial, rahi 11pt me te mokowā raina kotahi.
• Me whakamahi anake ko ngā whakapotonga arowhānui, me tuhi whānui rānei
• Kei runga i te kaituhi te whakarite kei te tika - me mātua whakakoha kupu i tō tono
• Kaua rawa ngā kōrero ka whakaaturia e whakaputa i mua i te Hui ā-Ao IUHPE mō te Hāpai Hauora
• KAUA RAWA e whakauru i ngā kaituhi me ngā hononga ki te whakarāpopotonga, i te mea ka whakaurua ēnei ki te puka tono tuihono.


Pāwhiri i konei hei Tuku i tō Whakarāpopotonga


Ngā Tātauira Whakarāpopotonga

Me patopato ngā whakarāpopotonga ki te tātauira tika kei raro. Tiakina tēnei ki tō rorohiko ka tukuatu ki te puka tono tuihono.
KAUA rawa e tuhi i waho o ngā pouaka, e huri rānei i te takotoranga o te tātauira ahakoa pēhea.
Tātauira Hui Kōrero
Me Mōhio: Mō ngā tono Hui Kōrero he 2500 te tepenga pūāhua mō te tono katoa, ā, he 2500 mō ia whakaaturanga takitahi i roto i te Hui
Tātauira Awheawhe
• Tātauira whakaaturanga rangahau (ā-waha/pānuitanga)
• Tātauira whakaaturanga auahatanga kaupapahere (ā-waha/pānuitanga)
• Tātauira rūnanga
• Whakaaturanga kē: Tātauira hangarau hou
Whakaaturanga kē: Tātauira Toi
• Tātauira tina me tētahi kaituhi (pukapuka)
Tātauira tina me tētahi kaituhi (rangitaki me ētahi atu momo whakaputaranga)

Tātauira Tuhinga Taipitopito Whakapā (Ngā Tono Hui Kōrero me te Awheawhe anake)

Tiakina tēnei ki tō rorohiko ka tukuatu ki te puka tono tuihono.
Pāwhiri ki te Tātauira hāngai i raro hei tāpiri i ngā taipitopito whakapā mō ia whakaaturanga, hoa kaiwhakarite/kaiwhakangungu wāhanga
Tuhinga Taipitopito Whakapā Hui Kōrero
Tuhinga Taipitopito Whakapā Awheawhe

Arotake me Ngā Whakamōhiotanga o te Whakaaetanga

Ka whiriwhiria ngā tono e ngā mema o te Komiti Pūtaiao ā-Ao me ngā kaiarotake i kōharitia, e ai ki ngā paearu e whai ake:
• He motuhake, he auaha
• He mārama ngā kōrero
• He tāpiri ki ngā mōhiotanga / taunakitanga mō te hāpai i te hauora me te ōritetanga
• He hāngai ki te kaupapa me ngā kaupapa āpiti o te Hui


Ka tukuna ngā whakamōhio whakaaetanga mā te īmēra ki ngā kaituhi tuku tono i mua o te whakamutunga o Whiringa-ā-nuku 2018. Kāore he kawenga o ngā Kaiwhakahaere Hui mō ngā tono whakarāpopotonga kāore e tae mai mā te paetukutuku, mō ngā hapa tono rānei nā ngā poronga ratonga Ipurangi, takaware pūmārō, pūmanawa rorohiko rānei, ngā poronga hiko, ngā raruraru ka tūpono noa rānei.