23rd IUHPE World Conference on Health Promotion, 7 - 11 April 2019, Rotorua, Aotearoa New Zealand
IUHPE World Conference 2019 - Maori
IUHPE c/o The Conference Company

IUHPE World Conference 2019 - Maori

Waiora: Hāpai i te Hauora ā-Ao me te Whanaketanga Tūturu mō te Katoa
Register Now

Nau mai ki te IUHPE 2019

nā ngā Tiamana Takirua o te Hui

Ngā mihi, ngā whakataukī, ngā reo pōwhiri, ngā manu kōrero o tēnā rohe o tēnā rohe tēnā koutou. He mihimihi mahana tēnei i runga i ngā āhuatanga o te rā me ngā tini manaakitanga kei mua i te aroaro. Nō reira tēnā koutou, tēnā koutou, tēnā tātou katoa.

Nō māua ngā Tiamana Takirua o te Hui ā-Ao 23 o IUHPE mō te Hāpai Hauora te harikoa ki te pānui atu i te taenga mai o tēnei takunetanga mana nui ki Aotearoa. He hōnore nui mō te Health Promotion Forum o Aotearoa (HPF) te whakahaere i te Hui ki te taha o te International Union for Health Promotion and Education (IUHPE). Kua mōhiotia whānuitia ko ngā hui ā-ao IUHPE he hui whakahirahira e whakatōpū ai ngā pononga o tēnei kaupapa te hāpai hauora nō ngā hau e whā o te ao. Ki ngā waeawae tapu, ki ngā ika-a-Whiro hoki, ko tā ēnei hui i ia toru tau he tautuhi i te “tihi o te maunga” o ngā mahi hāpai hauora, o te rangahau, o te ariā. He kaupapa motuhake tēnei hei whakaatu i te auahatanga me te hiranga o Aotearoa mō te hāpai hauora ki ngā iwi o te ao, me te rerehua o te taiao o tō tātou whenua, o te ahurea me te manaakitanga hoki.

Ko te tikanga ka tae mai ngā māngai 3000 nō Aotearoa, Ahitereiria, ngā Moutere o Te Moana Nui a Kiwa, te rohe whānui o Āhia-Kiwa, Ūropi, Ngā Amerika, Ngā Whenua Arapi me Awherika. He hui tino whai hua tēnei mō te ao hauora ki te whakawhitiwhiti whakaaro, ki te whakaratarata tāngata mā reira e:

  • Tuari rautaki, kaupapahere, tikanga mahi
  • Whakatakoto i ngā huanga me te aromatawai i te kauneke hoki
  • Whai wāhi ki te panoni kaupapahere i runga i te wairua whakatairanga
  • Hāpai i te hauora me te tauritenga mō te katoa

Ko te Waiora te kaupapa nui o tā tātou Hui: He Hāpai i te Hauora ā-Ao, i te Whanaketanga Tūturu. Kua puta mai tēnei kaupapa i tētahi whakaaro Māori nō mua noa atu, ko te ‘Waiora’. Ko te Māori te Iwi Taketake o Aotearoa. Ko te tikanga ā-kupu o te Waiora, ko ‘ngā wai whakaora, wai hauora’, ā, ko tana tikanga whānui he whakamārama i te hononga o te ao tūroa me te ao wairua ki tō tātou taiao. Ko tā te kaupapa Waiora nei, he whakaata i te whai pānga o tō tātou hauora ki tō te ao, mā reira kitea ai te wero nui kei mua i te aroaro ki te whakataurite i te whanaketanga me te tiaki i te taiao.

Mō ētahi anō mōhiohio e pā ana ki te kaupapa nui me te kaupapa iti o te hui, me haere ki te'First Announcement' kei runga i te whārangi Hōtaka.

I runga i te mōhio he maha ngā āhuatanga whakapai i te hauora ka noho i waho i te rāngai hauora, ko tētahi aronga matua ko te whakarahi i te kōrerorero ki ētahi atu rangai, akoranga hoki. Ko ētahi atu take hei kōrerohanga:

  • Te pānga o te panonitanga huarere ki te hauora o te tangata, o te hapori
  • Te aronga ki ngā wero kei mua i te aroaro o ngā hapori ki roto i tēnei horopaki ā-ao
  • Me pēhea te whakataurite i te whanaketanga tūturu me te taiao e ora ana
“He wai tapu, he wai tipua, he wai atua, he taonga tuku iho.” --- He whakataukī Māori

Nō māua te maringanui ki te pōhiri i a koutou ki Rotorua, Aotearoa ā te Paengawhāwhā 2019

Ngā mihi,


 
Sione Tuitahi,
Kaiwhakahaere Matua, Health Promotion Forum o Aotearoa
Tiamana Takirua Hui ā-Ao 23 o IUHPE mō te Hāpai Hauora

 
Graham Robertson 
Peretihini, IUHPE
Tiamana Takirua Hui ā-Ao 23 o IUHPE mō te Hāpai Hauora